Kryeministri i Kosovës, Albin Kurti, ka përkujtuar përvjetorin e masakrës së Izbicës, duke e cilësuar atë si një nga krimet më të rënda të kryera gjatë luftës në Kosovë.
Sipas Kurtit, më 28 mars 1999, forcat serbe rrethuan fshatin Izbicë, ndanë burrat nga gratë dhe fëmijët dhe më pas ekzekutuan 147 shqiptarë të pafajshëm.
Ai përmendi edhe rastin tragjik të dy grave të moshuara, të cilat u dogjën të gjalla brenda një rimorkioje traktori.
Kurti tha se trupat e viktimave më pas u zhvarrosën dhe u fshehën në varreza masive në Kosovë dhe Serbi, në përpjekje për të zhdukur gjurmët e krimit.
Sipas tij, edhe sot vazhdojnë të ketë varre të zbrazëta dhe familje që presin drejtësi për më të dashurit e tyre.
“Kujtojmë viktimat dhe qëndresën e familjarëve, të cilët dëshmuan në Tribunalin Ndërkombëtar për Krimet e Luftës në ish-Jugosllavi”, deklaroi Kurti.
Ai theksoi se Republika e Kosovës ka obligim institucional dhe moral që të vazhdojë kërkimin e drejtësisë, ndëshkimin e përgjegjësve dhe ruajtjen e dinjitetit të çdo viktime.
“Lavdi martirëve të Izbicës. I paharruar qoftë kujtimi për ta”, shkroi Kurti.
<iframe src="https://www.facebook.com/plugins/post.php?href=https%3A%2F%2Fwww.facebook.com%2Falbini2017%2Fposts%2Fpfbid0uikWNUATdSjKiZkbaUkaJc4TQUDkhMtc2jhjL5jSLEkB1Vm3zKTkXzSmKoQeq2Efl&show_text=true&width=500" width="500" height="562" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe>© Përmbajtja është rishkruar dhe përpunuar për publikim, duke u bazuar në burime publike. Ndalohet kopjimi i drejtpërdrejtë pa përpunim paraprak.
